Boris Johnson, fráfarandi utanríkisráðherra Bretlands, sagði eftir að hann tilkynnti afsögn sína úr ráðherrastól fyrr í dag að „draumurinn um Brexit væri að deyja“.

Johnson fylgir Dav­id Dav­is, ráðherra út­göngu úr Evr­ópu­sam­band­inu, en Davis sagði af sér í gær. Óánægja er meðal harðlínumanna í útgöngumálum um nýja áætlun stjórnar Theresu May um hvernig sam­skipt­um Evr­ópu­sam­bands­ins og Breta skuli háttað eft­ir út­göng­una.

Greint var frá því á föstudag að breska stjórnin hefði náð samkomulagi um hvernig hún sæi fyrir sér framtíðarsamband sitt við Evrópusambandið eftir Brexit. Johnson segist hafa hugsað málið um helgina og hafi komist að þeirri niðurstöðu að hann rói ekki í sömu átt og samkomulagið segir til um.

Breskir fjölmiðlar telja líklegt að lögð verði fram vantrauststillaga á May á morgun. Talsmaður forsætisráðherrans sagði að hún myndi berjast gegn slíkri tillögu.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 2 blogg um fréttina

Bloggað um fréttina

• Frikkinn: Forsætisráðherra
• Gústaf Adolf Skúlason: 15% fleiri vilja BREXIT nú en þegar kosið var