Evrópusambandið er reiðubúið að bjóða Bretlandi viðskiptasamning sem engu öðru ríki hefur staðið til boða. Þetta sagði Michel Barnier, aðalsamningamaður ESB, í viðræðunum um útgöngu Breta úr sambandinu, við blaðamenn í Berlín, höfuðborg Þýskalands.

Fjallað er um ummæli Barniers meðal annars á fréttavef breska dagblaðsins Daily Telegraph. Þar segir enn fremur að ESB hafi til þessa ekki verið reiðubúið að bjóða Bretlandi upp á sérsniðinn viðskiptasamning heldur sagt að Bretum stæði aðeins til boða samningur á hliðstæðum nótum og EES-samningurinn eða hefðbundinn víðtækur fríverslunarsamningur.

Barnier hafi þannig sagt að hann myndi bjóða Bretum einstakan viðskiptasamning sem fæli í sér nánara samstarf við ESB en áður hafi verið í boði fyrir ríki utan sambandsins. Hann lagði engu að síður sem fyrr áherslu á að ekki væri í boði að velja það besta sem væri í boði með þátttöku í innri markaði ESB en sleppa hinu. Þar yrði að taka fullan þátt eða alls ekki.

Vaxandi líkur hafa þótt á því að ekki takist að semja um útgöngu Bretlands úr ESB og fyrir vikið muni Bretar yfirgefa sambandið í lok mars á næsta ári án þess að tekist hafi að landa sérstökum samningi um hana. Hefur það ekki síst vakið áhyggjur innan ESB.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Brexit: fjötrar en ekki fríverslun