Greiddu atkvæði gegn Brexit-tillögum
Setja bókamerki
Breskir þingmenn greiddu í kvöld atkvæði gegn fjórum tillögum um útgöngu Breta úr Evrópusambandinu.
Atkvæðagreiðslan var ekki bindandi fyrir ríkisstjórnina.
Samningi Thereseu May, forsætisráðherra Bretlands, við ESB hefur tvívegis verið hafnað með naumum meirihluta á þinginu.
May hefur núna tíma til 12. apríl til að annaðhvort óska eftir lengri fresti fyrir Brexit með það fyrir augum að útbúa nýja útgönguáætlun eða að yfirgefa ESB án samkomulags.
Nick Boles, þingmaður íhaldsmanna sem hafði lagt fram tillögu um náin tengsl við ESB að loknu Brexit, tilkynnti eftir atkvæðagreiðsluna að hann ætlaði að yfirgefa flokkinn.
„Ég hef gefið allt sem ég hef átt í tilraun minni til að ná sáttum,“ sagði hann og kvaðst viðurkenna að honum hefði mistekist. „Mér hefur aðallega mistekist vegna þess að flokkurinn minn neitar að samþykkja málamiðlanir.“
Dómur þyngdur um þrjú ár
Hentugt gos fyrst gýs á annað borð
Nýtt fangelsi í landi Stóra-Hrauns tilbúið 2028
Þarf að koma til móts við ólíkar þarfir lækna
Hópur fólks reyndi að komast að eldgosinu
Yfir 300 stæði fóru undir hraun