Nýstofnaður flokkur Nigel Farage, Brexit-flokkurinn nýtur mest stuðnings meðal breskra kjósenda ef marka má skoðanakönnun sem birt er í Observer í dag. Flokkurinn vill fullan aðskilnað frá Evrópusambandinu. 

Brexit-flokkurinn er með 34% fylgi meðal kjósenda til Evrópuþingsins á meðan Verkamannaflokkurinn er með 21%. Frjálslyndir demókratar, sem eru andsnúnir Brexit, eru með 12% atkvæða en flokkurinn hefur aukið fylgi sitt á milli skoðanakannanna um 5% á meðan Verkamannaflokkurinn er með 7% minna fylgi en í síðustu könnun. Flokkur Theresu May, forsætisráðherra, Íhaldsflokkurinn er í fjórða sæti með 11% fylgi. 

Ef Bretar hefðu yfirgefið ESB líkt og til stóð 29. mars þá væru Bretar ekki að taka þátt í kosningum til Evrópuþingsins en kosningarnar verða haldnar í Bretlandi 23. maí. Í þjóðaratkvæðagreiðslunni um Brexit árið 2016 greiddu 52% kjósenda með útgöngu úr ESB á meðan 48% vildu áfram vera í ESB.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Þetta er svona hálfgerður H-listi semsagt?
• Páll Vilhjálmsson: Brexit, orkupakkinn og fall flokka