Theresa May, forsætisráðherra Bretlands, hefur tilkynnt að hún muni láta af embætti 7. júní næstkomandi. May hefur verið undir mikilli pressu undanfarna mánuði vegna þess að henni hefur ekki tekist að fá samning um útgöngu Bretlands úr Evrópusambandinu samþykktan.

Frétt af mbl.is

Von á dagsetningu frá May í dag

May tilkynnti afsögn sína utan við Downingstræti 10 fyrir skemmstu. Sagði hún það hafa verið mesta heiður að fá að vera önnur konan til þess að gegna embætti forsætisráðherra Bretlands. Rödd hennar brast þegar hún sagðist ekki láta af embættinu í illu, heldur væri hún ævinlega þakklát fyrir tækifærið til að þjóna landinu sem hún elskar.

Í ræðu sinni taldi May upp þann árangur sem ríkisstjórn hennar hefur náð og nefndi meðal annars viðsnúning á hallarekstri ríkisins, átak gegn atvinnuleysi og aukið fjármagn til heilbrigðiskerfisins.

Hún viðurkenndi þó að hún muni alltaf sjá eftir að hafa ekki siglt Brexit í höfn.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 2 blogg um fréttina

Bloggað um fréttina

• Gústaf Adolf Skúlason: Langa nefið er rautt - fáir vilja sósíalismann aftur í …
• G. Tómas Gunnarsson: "The End Of May"