Utanríkisráðherra Frakklands, Jean-Yves Le Drian, er ekki hrifinn af þeirri hugmynd að veita Bretum frekari frest til þess að semja um útgöngu úr Evrópusambandinu. Hann segir að Bretar þurfi að axla ábyrgð á stöðunni sem upp er komin.

Lávarðadeild breska þingsins samþykkti á föstudaginn lagafrumvarp sem ætlað er að koma í veg fyrir útgöngu Breta úr Evrópusambandinu án samnings 31. október.

Sam­kvæmt lög­un­um er Bor­is John­son for­sæt­is­ráðherra skylt að óska eft­ir því við Evr­ópu­sam­bandið að út­göngu Bret­lands verði frestað um þrjá mánuði ef breska rík­is­stjórn­in og Evr­ópu­sam­bandið verða ekki búin að kom­ast að sam­komu­lagi um út­göng­una 19. októ­ber.

Frétt af mbl.is

Tilbúnir að fara í mál vegna Brexit

„Bretar segjast vilja finna aðrar lausnir á fyrirhugaðri útgöngu en við höfum ekki séð neinar hugmyndir að lausnum og því verðum við að segja nei!“ sagði Le Drian við fjölmiðla í Frakklandi.

„Bresk stjórnvöld verða að segja okkur hvernig þau vilja taka málið áfram. Þau þurfa að axla ábyrgð á aðstæðum,“ bætti hann við.

Til stóð að Bretland myndi ganga út úr Evrópusambandinu 29. mars síðastliðinn en hefur tvisvar óskað eftir fresti til að semja um útgöngusamning.

Frétt af mbl.is

Boris: „Núna verða að fara fram kosningar“

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Hægt að ganga inn í ESB, en ekki út