Jarðskjálfi 5,5 að stærð reið yfir Taívan í dag og skók meðal annars höfuðborgina Taipei. Skjálftinn átti upptök sín í héraðinu Hualien, en þar voru einnig upptök skjálfta fyrr í mánuðinum sem var 7,4 að stærð.
Var sá skjálfti sá stærsti á eyjunni í yfir 25 ár, en jarðskjálftar eru mjög algengir á Taívan. Í það minnsta 17 létust í þeim skjálfta.
Skjálftinn í dag reið yfir klukkan 17.08 að staðartíma.
Starfsmaður AFP fréttaveitunnar í Taipei sagði skjálftann hafa verið eins og einn af hörðustu eftirskjálftunum frá 3. apríl.