„Getum lifað án Evrópu“
Setja bókamerki
„Ég býst við að Ísland gæti orðið aðili að Evrópusambandinu eftir þrjú ár,“ sagði Össur Skarphéðinsson, utanríkisráðherra, í samtali við þýska fjölmiðilinn Deutche Welle í dag.
Össur segir í viðtalinu að ein ástæða fyrir því að Íslendingar hafi ákveðið að sækja um aðild að Evrópusambandinu sé sú að nú standi yfir endurskoðun á utanríkisstefnu og öryggismálum landsins. „Við stóðum alltaf í þeirri trú að Bandaríkjamenn myndu vernda okkur en þegar þeir fóru héðan árið 2006 þurftum við virkilega að leita að öðrum hópi þjóða til að tilheyra.“
Össur segir í viðtalinu að Íslendingar hafi ýmislegt fram að færa fyrir Evrópusambandið, ekki síst þekkingu sína á meðferð endurnýjanlegrar orku. „Hér á Íslandi erum við sérfræðingar í því að nýta jarðvarma sem ég tel að sé hugsanlega orka sem Evrópusambandið hefur vannýtt.“ Þá segir Össur að Ísland geti opnað leiðina að Norður-Atlantshafi og ekki megi gleyma að í framtíðinni verði Ísland eflaust farið að framleiða olíu.
Össur nefnir einnig þekkingu Íslendinga á því hvernig best er að varðveita og vernda fiskistofna. Hann segist jafnframt aldrei hafa reynt að hunsa þá staðreynd að fiskistofnarnir verði mesta hindrunin í viðræðum Íslendinga við yfirvöld í Brussel.
Aðspurður hversu sterka stöðu Íslendingar hafa í viðræðunum segir utanríkisráðherrann að hann telji óhætt að segja að staða Íslands sé góð. „Sumir telja kannski að staða okkar sé veik því við höfum lent illa í fjármálakreppunni. En jafnvel án aðildar að Evrópusambandinu myndum við koma okkur út úr kreppunni fljótlega. Strax árið 2011 munum við sjá hagvöxt aukast hér á landi. Þannig ég hef ekki miklar áhyggjur, við förum ekki í viðræðurnar með það fyrir augum að við munum ekki komast af án Evrópu. Það getum við.“
Viðtalið má finna hér.
Bloggað um fréttina
-
Albanía og Ísland.
-
„... leita að öðrum hópið þjóða til að tilheyra“?
-
Sölumaður deyr!
-
Vonsvikinn Össur - falbýður auðlindir Ísland í Þýskalandi meira að …
-
Össur bullar og bullar
-
Ræður meirihlutinn?
-
Getum lifað án Evrópu“Össur komin inn i ESB !!!!!!!!
-
Getum lifað án Össurar
-
Málefnalega, vitræna umræðu ..takk fyrir.
-
"Listaverkaþjófar" skila ESB fána
-
Annar hópur þjóða?
-
Af glópaskýjum sem verða að dimmviðrisskýjum...
-
Afsakið á meðan ég garga mig hása
-
ERLENDIR Áhættufjárfestar stálu frá íslenskum fjölskyldum
-
Þetta styrkir okkur.
-
Sósíalstofnunin ESB!
-
Össur hættu nú!!!
-
Er ekki Ísland hluti af Evrópu?
