Friðrik J. Arngrímsson, framkvæmdastjóri LÍÚ, sagði á fundi auðlindahóps Evrópunefndar Sjálfstæðisflokksins í Valhöll í gær að óraunhæft væri að bera saman sjávarútveg á Íslandi og á Möltu. Hann sagði raunhæfara væri að horfa til Norðmanna með samanburð. Þeir hefðu ekki fengið neinar varanlegar undanþágur í samningaviðræðum við Evrópusambandið árið 1994.  Þetta kemur fram á vef LÍÚ.

Stuðningsmenn aðildar Íslands að Evrópusambandinu hafa vísað til þeirra undaþága sem Malta fékk fyrir sinn sjávarútveg í aðildarsamningnum við ESB. Fram kom í ræðu Friðriks að heildarafli Maltverja hefði verið 1348 tonn árið 2006. Það er ívíð meira en Bárður SH 81 veiddi á síðasta fiskveiðiári. Bárður var þá 13,43 m langur aflamarksbátur, 19,67 brúttólestir að stærð, smíðaður 2001. Pétur Pétursson gerir bátinn út frá Arnarstapa. Þriggja manna áhöfn er á Bárði, að sögn Friðriks.

Auk Friðriks fluttu erindi á fundinum í gær þeir Björn Bjarnason, dóms- og kirkjumálaráðherra og Högni Kristjánsson, skrifstofustjóri Evrópuskrifstofu utanríkisráðuneytisins.

Tengdar fréttir

Evrópumál

Fundað um stuðning ESB við byggðaþróun

• Deilir á töf á umsókn Íslands
• Fagnað í Skopje
• „Getum lifað án Evrópu“
• Vill fresta umsóknarferli ESB

» Fleiri tengdar fréttir

• 3 blogg um fréttina

Bloggað um fréttina

• Ómar Bjarki Kristjánsson: Aðildarsamningur Norðmanna 1994. Fakts.
• Níels A. Ársælsson.: Ólöglegt samráð LÍÚ og brot ríkisvaldsins gegn EES samningnum
• Haraldur Hansson: Eins og greiningardeildir bankanna