Jón Ásgeir í The Times

Fjallað er um stefnu skilanefndar Glitnis á hendur Jóni Ásgeiri Jóhannessyni og tengdum aðilum í breska Lundúnablaðinu The Times. Blaðið rijfar upp að Jón Ásgeir hefur verið umsvifamikill á breska smásölumarkaðnum. Vikið er að þætti PricewaterhouseCoopers en mikið er fjallað um málið í Bretlandi.

Blaðið endursegir inngang stefnunnar sem er einkar harðorð og hvernig þar er komist að þeirri niðurstöðu að eigendahópurinn með Jón Ásgeir í broddi fylkingar hafi mergsogið bankann innanfrá.

Þá er rifjað upp að Jón Ásgeir hafi farið fyrir Baugi sem hafi átt hlut í verslunarfyrirtækjunum Hamleys, House of Fraser og Debenhams auk 39% hlutar í Glitni.

Blaðið gerir grein fyrir hinum tengdu aðilum sem skilanefndin stefnir en þar á meðal er endurskoðunarfyrirtækið PricewaterhouseCoopers hf. á Íslandi, útibú eins stærsta endurskoðunarfyrirtækis heims.

Ljóst er að málið vekur mikla athygli í Bretlandi en að auki fjalla Guardian, Financial Times og Independent um stefnuna.

Frétt Times. 

• 8 blogg um fréttina

Bloggað um fréttina

• Davíð Þ. Löve: Frábær flétta hjá skilanefnd!
• Stefán Friðrik Stefánsson: Endalokin hjá Jóni Ásgeiri
• Benedikta E: Þá óraði ekki fyrir þessari atburðarrás - félagana - Jón …
• Heimir Lárusson Fjeldsted: Félagarnir í helstu fréttamiðlum heims
• Haraldur Haraldsson: Jón Ásgeir í The Times////Auðvitað eru þessir menn í erlendum …
• Jón Pétur Líndal: Var Óskar Hrafn frystur inni á Stöð 2 ??
• Jens Guð: Skótískan á Litla-Hrauni
• Ómar Bjarki Smárason: Kannski fara bresk stjórnvöld að átta sig