Ragnheiður Ragnarsdóttir varð dúx á stúdentsprófi í Fjölbrautaskólanum í Garðabæ með vegið meðaltal 9,68 sem er með því hæsta sem nemandi hefur fengið við skólann.
Ragnheiður útskrifaðist af málabraut og náttúrufræðibraut. Hún fékk
einkunnina 10 í 38 áföngum og fékk verðlaun fyrir góðan námsárangur í
íslensku, stærðfræði, ensku, dönsku, frönsku, spænsku, raungreinum og
efnafræði.
Skólanum var slitið um helgina og voru 77 nemendur útskrifaðir, þar af 71 með stúdentspróf. Ingibjörg Íris Ásgeirsdóttir, stúdent af viðskipta- og hagfræðibraut og lokapróf á tískubraut, varð næst hæst á stúdentsprófi með vegið meðaltal 9,12.