Jón Hjalti Eiríksson, sem fékk hæstu einkunn á stúdentsprófi Menntaskólans að Laugarvatni í ár, lauk alls 61 áfanga og fékk 10 í 46 áföngum og 9 í 15.
Aðaleinkunn Jóns Hjalta var 9,78 sem er sú hæsta í sögu skólans. Næst hæstu einkunn á stúdentsprófi hlaut Herdís Anna Magnúsdóttir frá Hveratúni í Laugarási, 9,16.
Þrír nemendur hlutu styrk úr styrktarsjóði Kristins og Rannveigar: Jón Hjalti Eiríksson, Herdís Anna Magnúsdóttir og Sævar Ingi Sigurjónsson.