Veðurstofan gerir ekki ráð fyrir miklu öskufoki í dag í Skaftafellsýslum en þar er spáð fremur hægri austlægri átt, skýjuðu og dálítilli vætu. Öskufall gæti orðið nálægt Grímsvötnum ef gos heldur áfram.
Á morgun er spáð skýjuðu og hæglætisveðri en suðaustanátt og rigningu um kvöldið. Búast má við öskufoki um tíma síðdegis þangað til fer að rigna.
Á föstudag er spáð austanátt og rigningu en ekki er búist við öskufoki. Það sama má segja um helgina.