„Það hefur verið og er sáttatónn í mörgum stjórnarþingmönnum út af þessu máli. Það er greinilega vilji til þess að skoða málið betur og gera sér grein fyrir alvarleika þeirra neikvæðu umsagna sem liggja fyrir. En forsætisráðherra er greinilega ekki tilbúinn til þess að hlusta á það,“ segir Jón Gunnarsson, þingmaður Sjálfstæðisflokksins sem sæti á í sjávarútvegs- og landbúnaðarnefnd Alþingis, aðspurður um þrýsting ríkisstjórnarinnar á að litla frumvarpið um breytingar á stjórn fiskveiða verði keyrt í gegn.

Jón segir að það sé vilji til sátta í málinu sem hafi til dæmis endurspeglast í vinnu og niðurstöðu sáttanefndarinnar svokallaðrar um sjávarútvegsmál sem starfaði fyrr á þessu ári. „En sú sem vill ekki frið í þessu máli er Jóhanna Sigurðardóttir, forsætisráðherra. Það er ekki hægt að meta það öðruvísi en að hún telji sig hafa pólitíska hagsmuni af því að hafa þetta mál í ófriði. Hún er friðarspillir í þessu máli.“

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir

• 1 blogg um fréttina

Bloggað um fréttina

• Sigurður Jónsson: Hroki og yfirgangur Jóhönnu er með öllu óþolandi.