Talsmenn samtaka sjómanna, útvegsmanna og fiskverkafólks segjast ekki hafa átt beina aðkomu að vinnu við gerð nýs stjórnarfrumvarps um fiskveiðistjórnun sem er í undirbúningi.

Steingrímur J. Sigfússon sjávarútvegsráðherra greindi frá því í gær að hann hefði haldið upplýsingafundi með ýmsum í greininni og nefndi m.a. LÍÚ, Sjómannasamtökin og Starfsgreinasambandið.

„Við höfum enga aðkomu að þessari vinnu,“ sagði Friðrik J. Arngrímsson, framkvæmdastjóri Landssambands íslenskra útvegsmanna (LÍÚ), um gerð frumvarpsins. Í umfjöllun um þetta mál í Morgunblaðinu í dag segir hann, að LÍÚ hefði hitt ráðherra á stuttum fundi 19. janúar.

Sævar Gunnarsson, formaður Sjómannasambands Íslands (SSÍ), sagði að engin efnisatriði væntanlegs frumvarps hefðu komið fram á fundi þeirra með sjávarútvegsráðherra.

Björn Snæbjörnsson, formaður Starfsgreinasambands Íslands (SGS), sagði aðspurður að ekki hefði verið haft samráð við þá um frumvarpsgerðina. Fiskverkafólk er m.a. innan SGS.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir