Gerðir verða nýtingarsamningar við kvótahafa til 20 ára með ákvæði um framlengingu að þeim tíma liðnum nái nýtt kvótafrumvarp ríkisstjórnarinnar fram að ganga á vorþinginu. Þetta hefur Morgunblaðið eftir öruggum heimildum.

Veiðigjald verður hækkað verulega en fer að hluta eftir afkomu útgerða. Gert er ráð fyrir að það renni allt í ríkissjóð en það hefur verið umdeilt í sjávarbyggðum. Þá verður notast við lægri viðmið í bolfiski en uppsjávarfiski.

Skúli Helgason, þingmaður Samfylkingar, segir að frumvarpinu sé ætlað að sporna við samþjöppun í útgerðinni og opna um leið fyrir meiri nýliðun í greininni. Leigupottar verði notaðir í því skyni.

Sigurður Ingi Jóhannsson, þingmaður Framsóknar, segir stuðning flokksins við frumvarpið skilyrtan við ýmsar kröfur, þ.m.t. ákvæði um þjóðareign á náttúruauðlindum í stjórnarskrá. Stjórnin hafi „vonandi dregið í land“ frá fyrra frumvarpi.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir