Landsbankinn spáir fjöldagjaldþrotum í sjávarútvegi nái veiðigjaldafrumvarp ríkisstjórnarinnar fram að ganga og segir í umsögn sérfræðinga bankans „að tjón bankans af samþykkt frumvarpsins yrði um 31 milljarður króna“.

Landsbankinn er sem kunnugt er að langmestu leyti í ríkiseigu og myndi tjónið – afskriftir af bókfærðu virði lána – því falla á skattgreiðendur á beinan eða óbeinan hátt.

Í umsögninni segir að „álagning sérstaks veiðigjalds verði mjög umfangsmikil og... fari upp í 70% af samtölu reiknaðrar rentu á þremur árum. Slík gjaldtaka myndi leiða til fjöldagjaldþrota“. Síðan er vikið að rannsókn sérfræðinga bankans á áhrifum frumvarpsins á 124 fyrirtæki.

Niðurstaðan er afgerandi: Af fyrirtækjunum 124 eru 74 ekki talin munu geta staðið við núverandi greiðsluskuldbindingar sínar verði veiðigjaldafrumvarpið samþykkt óbreytt. Fjöldi beinna starfa hjá þessum 74 fyrirtækjum sé um 4.000.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir