Innlent | mbl | 7.6.2012 | 7:43 | Uppfært 14:06

Ekki annað eins í 32 ár

Mynd 1 af 8 Reykjavíkurhöfn er að fyllast af skipum. Myndin er tekin úr Hörpu. mbl.is/Ómar

Mynd 2 af 8 Um 30-40 skip eru nú við Reykjavíkurhöfn og man reyndur hafsögumaður ekki eftir öðru eins. mbl.is/Ómar

Mynd 3 af 8 Skipin sigla nú hvert af öðru til Reykjavíkurhafnar. mbl.is/Ómar

Mynd 4 af 8 Drangavík VE-80 frá Vestmannaeyjum siglir inn í Reykjavíkurhöfn í morgunsárið. mbl.is/Ómar

Mynd 5 af 8 Höfnin iðar af lífi enda mörg skip í höfn vegna samstöðufundar kl. 16. mbl.is/Júlíus

Mynd 6 af 8 Skip við skip við Reykjavíkurhöfn. mbl.is/Ómar

Mynd 7 af 8 Sjómenn ræða málin um borð í skipi við Hörpu. mbl.is/Ómar

Mynd 8 af 8 Á kortinu sjást þau skip sem eru við innri höfnina við Reykjavík í morgun. Af Marinetraffic.com

„Ég hef starfað sem hafnsögumaður í 32 ár og man ekki eftir öðru eins. Þetta eru eins og þrenn eða fern jól,“ segir Halldór Valdimarsson, hafnsögumaður hjá hafnsöguvakt Reykjavíkurhafna. Þangað eru nú komin 30-40 skip og von er á fleirum vegna samstöðufundar útgerðarmanna og starfsmanna þeirra gegn kvótafrumvörpum ríkisstjórnarinnar.

„Nú þurfum við að sýna snilli okkar, höfnin er að fyllast og við beinum öllum í gömlu höfnina. Þeir sem ekki komast að verða að leggja að í ytri höfninni,“ sagði Halldór á áttunda tímanum í morgun og sagði að ekki lægi fyrir hversu mörg skip kæmu að bryggju í dag.