Veiðar á makríl með togurum munu ekki lengur borga sig ef nýju veiðigjöldin festast í sessi. Þetta er mat Heiðars Hrafns Eiríkssonar, endurskoðanda hjá Þorbirni hf. í Grindavík, en hann var á meðal ræðumanna á öðrum degi aðalfundar LÍÚ í Reykjavík í gær.

Í umfjöllun um mál þetta í Morgunblaðinu í dag telur Heiðar að gjöldin muni jafnframt leiða til þess að skipum og sjómönnum fækki. Útvegsfyrirtæki muni ekki lengur hafa efni á að fjárfesta í tækjum og búnaði og því verði hnignun í sjávarútvegi.

Árni Jón Árnason, meðeigandi í endurskoðunarfyrirtækinu Deloitte, flutti einnig erindi en hann sagði veiðigjöld á tiltekið fyrirtæki mundu hækka úr 11% (af EBITDA-hagnaði) árið 2011 í 61% árið 2018.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir