Ef forsetinn neitar nýjum lögum um sérstök veiðigjöld staðfestingar og lögin yrðu felld í þjóðaratkvæðisgreiðslu yrðu engin sérstök veiðigjöld á næsta fiskveiðiári, að sögn Jóns Gunnarssonar, formanns atvinnuveganefndar Alþingis.

Ástæðan er sú að fiskveiðiárið hefst 1. september og mjög ólíklegt sé að atkvæðagreiðslan verði fyrir þann tíma. Ekki er hægt að leggja á sérstakt veiðigjald aftur í tímann. „Afleiðingin yrði sú að einungis yrði almenna veiðigjaldið borgað á næsta fiskveiðiári,“ segir Jón.

Lögin sem í gildi voru áður en ný lög voru samþykkt eru sögð óframkvæmanleg og er því ekki unnt að leggja á sérstök veiðigjöld samkvæmt þeim lögum fyrir komandi fiskveiðiár ef nýju lögin verða felld úr gildi, að því er fram kemur í umfjöllun um mál eþtta í Morgunblaðinu í dag.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir