„Við erum verulega ósáttir með þessa ákvörðun ráðherra og þetta minnisblað sem lagt var fram í gær,“ segir Adolf Guðmundsson, formaður LÍÚ. Í umfjöllun um mál þetta í Morgunblaðinu í dag segir hann, að með því að úthluta rækju ekki samkvæmt aflahlutdeild fyrir komandi ár sé verið að brjóta lög.

Sigurður Ingi Jóhannsson, sjávarútvegs- og landbúnaðarráðherra, kynnti í gær að vinna væri að hefjast í ráðuneytinu við nýtt frumvarp til laga sem mun breyta stjórn veiða á úthafsrækju. Samkvæmt því verður tekið tillit til veiðireynslu síðustu þriggja ára, þegar veiðar voru ótakmarkaðar.

Veiðar voru gefnar frjálsar 2010 en stjórnvöld hyggjast koma á veiðistjórn á nýjan leik en úthluta samkvæmt nýjum reglum. Þeir sem áttu aflahlutdeild áður en veiðar voru gefnar frjálsar munu fá 70% af kvótanum í úthafsrækju en þeir sem hafa stundað veiðar undanfarin þrjú ár munu fá 30%. Veiðar á komandi fiskveiðiári eiga ekki að telja við ákvörðun veiðireynslu en veiðar verða frjálsar upp að tilteknu magni þar til frumvarpið verður samþykkt.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir