Hákon Guðröðarson, 25 ára gamall frumkvöðull, hefur ásamt manni sínum, Hafsteini Hafsteinssyni, opnað sælkeraverslun og veisluþjónustu í Neskaupstað sem notið hefur vinsælda á meðal heimamanna og fólks í nærsveitum. Hákon hefur einnig sett á fót ferðaþjónustufyrirtæki og matarbíl sem ferðast um Austurland.
Hann segir að hann hafi ekki órað fyrir því að hann myndi flytja til baka á Neskaupstað þegar hann yfirgaf staðinn 15 ára gamall. Nú horfir hann öðrum augum á tilveruna og telur Norðfirðinga opna fyrir nýjungum.
Nánar verður fjallað um Neskaupstað í Morgunblaðinu á morgun mánudag.