Yfir þúsund standa með Rúv
Setja bókamerki
Ríflega þúsund manns hafa boðað komu sína á mótmæli, vegna yfirvofandi niðurskuðar til Ríkisútvarpsins, í hádeginu á morgun, samkvæmt facebook-síðu viðburðarins.
Yfir 10 þúsund facebook notendum er boðið til leiks og segjast þar af 1.013 ætla að mæta, eins og málin standa þegar þetta er skrifað.
Boðað er til mótmælanna fyrir utan Efstaleiti 1 klukkan 12:30 á morgun.
Menningarhlutverki stefnt í hættu
„Við mótmælum yfirvofandi niðurskurði til Ríkisútvarpsins í nýju fjárlagafrumvarpi og þeirri forgangsröðun sem þar birtist hjá ríkisstjórninni,“ segir í atburðalýsingu viðburðarins.
„Með niðurskurði eins og þessum er grafið undan öflugri fréttamennsku hjá RÚV og menningarhlutverki stofnunarinnar stefnt í alvarlega hættu. Hlutverk RÚV er ómetanlegt, bæði til fræðslu og skemmtunar.
Ríkisútvarpið er okkar og við þurfum á því að halda. Það er tími til kominn að standa vörð um RÚV og starfsfólk þess.“
Til mótmælanna boða þær Arngunnur Árnadóttir, klarinettuleikari hjá Sinfóníhljómsveit Íslands, og Valgerður Þóroddsdóttir ljóðskáld og listgagnrýnandi.
Skiptir mestu máli að fjárlögin voru samþykkt
Sáu eldgosið brjótast út frá Snæfellsnesi
Óttast að fólk fari aftur að eyða peningum
Heitt vatn fannst sem gæti annað 10 þúsund manns
Hvað gerðist eiginlega í VMA?
Spara stórfé með olíukaupum ytra
Einar skorar á næstu ríkisstjórn
Á algjöru frumstigi eftir þrjár vikur af verkfalli