Eftirmaður Páls verði faglega skipaður
Setja bókamerki
„Það sem skiptir mestu máli núna er hver verður valinn í staðinn,“ segir Hallgrímur Indriðason, formaður Félags fréttamanna á Ríkisútvarpinu. „Það skiptir máli að staðið sé faglega að þeirri ákvörðun þannig að það sé einhver sem hefur vit á því hvernig á að reka fjölmiðil eins og Rúv.“
Páll Magnússon lætur af starfi útvarpsstjóra frá og með deginum í dag. Líkt og flestir aðrir starfsmenn Rúv heyrði Hallgrímur fyrst af þessari ákvörðun í hádeginu, þegar Páll sendi starfsfólki bréf þar sem hann sagðist ekki telja sig njóta nægilegs trausts í stjórn Ríkisútvarpsins.
Aðspurður hvort brotthvarf Páls kunni að verða til þess að friður myndist um Rúv að nýju, eftir hópuppsagnirnar um síðustu mánaðamót, segir Hallgrímur að það hljóti að velta á því hvert framhaldið verður.
„Það er ekki hægt að neita því að það hafði skapast þrýstingur á Pál úr einhverjum áttu. Mér fannst Páll kannski fá fullmikið af skömmum á kostnað þeirra stjórnvalda sem tóku ákvörðun um niðurskurðinn, en framhaldið veltur algjörlega á því hvernig staðið verður að ráðningu eftirmannsins og hvort sá verði ráðinn á faglegum forsendum.“
Myndir: Grindavíkurvegur aftur undir hraun
Fullvissa ferðamenn um að hér sé öruggt
„Má segja að þetta gos hafi þjófstartað“
Hraunið við bílastæði Bláa lónsins
Drónamyndskeið frá hápunkti gossins í nótt
/frimg/1/53/7/1530787.jpg)
Flogið á milli ljósaskipta
Börn hafi engan rétt á leikskólakennslu