Umboðsmaður Alþingis birtir í dag svarbréf sitt til Sigmundar Davíðs Gunnlaugssonar forsætisráðherra, sem spurði í svarbréfi sínu til umboðsmanns Alþingis hvort settar hefðu verið siðareglur fyrir embættið. Umboðsmaður segir sér ekki kunnugt um það.

„Í því sam­bandi leyf­ir und­ir­ritaður sér að spyrja hvort sett­ar hafi verið siðaregl­ur fyr­ir embætti umboðsmanns Alþing­is og ef regl­ur hafi verið sett­ar hvort mögu­legt sé að fá aðgang að þeim,“ sagði í svarbréfi Sigmundar Davíðs frá því fyrr í mánuðinum.

Í svarbréfi umboðsmanns Alþingis við fyrirspurninni segir eftirfarandi:

„Til svars við þeirri fyrirspurn sem þér setjið fram í lok bréfs yðar skal upplýst að samkvæmt 3. mgr. 15. gr. laga nr. 70/1996, um réttindi og skyldur starfsmanna ríkisins, staðfestir forseti Alþingis siðareglur fyrir starfsmenn Alþingis og stofnana þess. Mér er ekki kunnugt um að slíkar reglur hafi verið staðfestar en yður til fróðleiks skal enn fremur upplýst að starfssvið umboðsmanns Alþingis tekur ekki til starfa Alþingis og stofnana þess, sbr. a-lið, 3. mgr. 3. gr. laga nr. 85/1997, um umboðsmann Alþingis.“

Tryggvi Gunnarsson, umboðsmaður Alþingis mbl.is/Eggert Jóhannesson

Tengdar fréttir

Lekamálið

Óformleg samskipti skráð

• Ákvað að hleypa gleði inn í lífið
• „Hefði aldrei getað gert þetta neitt öðruvísi“
• Lauk með afsögn og áliti umboðsmanns
• Hanna Birna með góðkynja æxli

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: Ekki veitir af því að fræða nýja dómsmálaráðherrann.