Hefði sjálfur ekki rætt við lögreglustjóra
Setja bókamerki
Sigmundur Davíð Gunnlaugsson, forsætisráðherra og dómsmálaráðherra, sagði í Kastljósi Ríkisútvarpsins í kvöld að hann myndi sjálfur ekki setjast niður með lögreglustjóra og ræða við hann um lögreglurannsókn á dómsmálaráðuneyti hans. Betra væri að nálgast upplýsingar um rannsóknina óbeint.
Þetta sagði Sigmundur Davíð í tilefni af spurningum Sigmars Guðmundssonar, ritstjóra Kastljóss, um lekamálið svonefnda og þátt Hönnu Birnu Kristjánsdóttur, innanríkisráðherra, í því.
Sigmar vitnaði til þess að Hanna Birna átti samtöl við Stefán Eiríksson, þáverandi lögreglustjóra höfuðborgarsvæðisins, og spurði út í rannsókn á lekamálinu. Spurði hann því næst Sigmund hvort hann hefði gert slíkt hið sama í sömu stöðu. „Nei, ég efast um að ég myndi gera það,“ svaraði þá Sigmundur. „Það er auðvitað betra að nálgast þessar upplýsingar óbeint í ljósi aðstæðna.“
Spurður að því hvort Hanna Birna geti þá yfirleitt setið áfram í ríkisstjórn þegar hún geri hlutina ekki eins og forsætisráðherra myndi gera þá sagði Sigmundur Davíð: „Ég get ekki ætlast til þess að allir ráðherrar geri hlutina eins og ég myndi gera þá.“ Hann sagði jafnframt að ekki megi líta framhjá því að Stefán hafi sagt að Hanna Birna hafi ekki verið að reyna hafa áhrif á rannsókn lekamálsins.
Hentugt gos fyrst gýs á annað borð
Ása Ellerup flutt út og ætlar að selja húsið
Viðræður ekkert þokast frá því á þriðjudag
Rússar sagðir útvega N-Kóreu milljón olíutunnur
/frimg/1/53/17/1531723.jpg)
Kálfur kom í heiminn á miðjum kosningafundi
Sjötti ferðamaðurinn er látinn