Lántaka Ríkisútvarpsins undanfarin þrjú ár vegna rekstraráranna 2012, 2013 og 2014 er að sliga rekstur fyrirtækisins, þannig að það getur ekki lengur staðið í skilum með afborganir af lánum sínum. Viðmælendur segja að RÚV sé í raun gjaldþrota.

Lántaka RÚV undanfarin tvö ár, samkvæmt heimildum Morgunblaðsins, nemur um 1.400 milljónum króna og eru vextir á lánunum 7,35%. Um er að ræða annúitetslán til 20 ára.

Í fréttaskýringu um rekstrarvanda RÚV í Morgunblaðinu í dag kemur fram, að upphæðin sem RÚV þarf að borga af skuldabréfi Lífeyrissjóðs starfsmanna ríkisins er 380 milljónir króna á ári. RÚV þarf að greiða 80 milljónir króna af lánum frá Landsbankanum á ári og vaxtakostnaður RÚV á ári er 133 milljónir króna. Samtals þarf fyrirtækið því að greiða 593 milljónir króna af lánum sínum og skuldabréfi árlega.

Tengdar fréttir

Rekstrarvandi RÚV

RÚV-skýrslan kostaði 4,9 milljónir

• Gerðu ekki ráð fyrir lækkun gjalds
• Fangelsin fá aukið fé
• Ríkisútvarpið heldur viðbótarframlagi
• Ráðherra lækki útvarpsgjaldið

» Fleiri tengdar fréttir