Leit að þýska ferðamanninum Christian Mathias Markus verður haldið áfram við Látrabjarg um helgina. Síðast sást til mannsins þann 18. september síðastliðinn en bifreið sem hann hafði leigt fannst mannlaus á bílastæðinu við Látrabjarg 23. september.
Ekki hefur verið leitað að manninum síðustu daga en veður hefur meðal annars hamlað leit. Veðurspá fyrir helgina er hagstæðari og munu björgunarsveitir á svæðinu ganga fjörur í von um að finna manninn.
Vitað er maðurinn hafði dvalið hér á landi í nokkra daga áður en hann yfirgaf hótelið í Breiðuvík í Vesturbyggð þann 18. september sl. Hann var einn á ferð.
Að sögn lögreglu er búið að leita vel á svæðinu. Lögregla hefur reglulega haft samband við fjölskyldu mannsins vegna málsins.
Fram kom frá lögreglunni væri fæddur 11. október 1980. Fjölskylda mannsins í Þýskalandi fór að óttast um Christian og hafði samband við lögregluna á höfuðborgarsvæðinu og ríkislögreglustjóraembættið.
Ef einhver hefur orðið var við ferðir Markus þá óskar lögreglan á Vestfjörðum eftir þeim upplýsingum í síma 450-3730 eða í síma 112.