Ekki verkfall hjá læknum í næstu viku
Setja bókamerki
Engar verkfallsaðgerðir eru boðaðar hjá Læknafélagi Íslands og Skurðlæknafélagi í næstu viku.
Næst leggja læknar niður störf á miðnætti aðfaranótt mánudagsins 17. nóvember og stendur verkfallið yfir í tvo sólarhringa. Daginn eftir, þriðjudaginn 18. nóvember, leggja skurðlæknar niður störf.
Í næstu lotu leggja læknar á kvenna-, barna- og rannsóknarsviði Landspítala, læknar á heilsugæslustöðvum höfuðborgarsvæðisins, læknar á Heilbrigðisstofnunum Vesturlands, Vestfjarða, Norðurlands, Austurlands, Suðurlands og Suðurnesja niður störf.
Næsti fundur í kjaradeilu skurðlækna við ríkið fer fram á mánudaginn en læknar í Læknafélagi Íslands funda ekki fyrr á miðvikudag.
Skurðlæknar vilja 100% hækkun
Líkt og fram hefur komið fara skurðlæknar fram á upp undir 100% hækkun á grunnlaunum nýútskrifaðra sérfræðinga. Skurðlæknar hafa verið samningslausir í tíu mánuði. Þeir fara ekki fram á fasta prósentuhækkun en þeir fara fram á að laun þeirra verði svipuð og í nágrannalöndunum.
Ekki er óalgengt að nýútskrifaður sérfræðingur í skurðlækningum í Svíþjóð sé með 60 til 70 þúsund sænskar krónur í grunnlaun, eða rúmlega eina milljón íslenskra króna. Nýútskrifaður sérfræðingur á Íslandi er aftur á móti með um hálfa milljón í grunnlaun.
Forsvarsmenn Læknafélags Íslands og samninganefndar félagsins vilja afar lítið segja um kröfur sínar. Líkt og áður hefur komið fram er talið að farið sé fram á 30 til 36% hækkun á grunnlaunum en samninganefnd ríkisins bjóði aftur á móti 3 til 4% hækkun.
Frétt mbl.is: Hvenær fara læknarnir í verkfall?
Ákærður fyrir stunguárás á menningarnótt
Fæðuöryggi: „Áttum mat í þrjár vikur“
Fundur hafinn hjá kennurum, ríki og sveitarfélögum
Formaðurinn útilokar ekki undirritun í kvöld
Rannsókn á menningarnæturmáli lokið
Hvatti kjósendur til þess að greiða ógild atkvæði