Gísli Freyr Valdórsson, fv. aðstoðarmaður innanríkisráðherra, byrjaði að tala á þeim nótum að hann ætlaði að játa leka á upplýsingum á mánudag, áður en saksóknari tilkynnti að hann hygðist leggja fram ný gögn í málinu. Þetta sagði verjandi Gísla í Héraðsdómi Reykjavíkur í morgun.

Ólafur Garðarsson, verjandi Gísla, sagði að lítið í þeim gögnum sem saksóknari lagði fram í lekamálinu upphaflega hafi bent til sektar skjólsstæðings síns og fullyrðingar í lögregluskýrslu sem lögð var fram hafi byggst á veikum grunni.

Hann hafi hins vegar horft upp á Gísla Frey „sökkva dýpra og dýpra“ eftir því sem aðalmeðferð málsins nálgaðist og hann hefði á mánudag byrjað að tala á þeim nótum að hann ætlaði að játa á sig sök. Það hafi ekki verið fyrr en eftir það sem Helgi Magnús Gunnarsson, vararíkissaksóknari, hafi tilkynnt þeim að hann hygðist leggja fram ný gögn í málinu.

Þá lagði Ólafur áherslu á að brot Gísla hefði ekki verið hefndaraðgerð að yfirlögðu ráði heldur skyndihugdetta þar sem hann hefði legið á sófanum heima hjá sér um að bæta við skjalið og senda tveimur kunningjum sínum. Ástæðan hafi verið sú að hann teldi að ekki ætti aðeins að fjalla um jákvæða hluti við hælisleitendur heldur einnig þá neikvæðu.

Tengdar fréttir

Lekamálið

Óformleg samskipti skráð

• Ákvað að hleypa gleði inn í lífið
• „Hefði aldrei getað gert þetta neitt öðruvísi“
• Lauk með afsögn og áliti umboðsmanns
• Hanna Birna með góðkynja æxli

» Fleiri tengdar fréttir

• 1 blogg um fréttina

Bloggað um fréttina

• Ásthildur Cesil Þórðardóttir: Aðhaldið hlýtur að þurfa að koma frá okkur sjálfum.