Umboðsmaður Alþingis mun ekki birta niðurstöðu  frumkvæðisathugunar sem staðið hefur yfir á samskiptum innanríkisráðherra og fyrrverandi lögreglustjóra á höfuðborgarsvæðinu í þessari viku. Þetta kemur fram í tilkynningu á vef umboðsmanns Alþingis. 

Þar segir að umboðsmanni hafi í þessari viku borist ábending um tiltekið atriði í tengslum við athugunina sem nú er unnið að því að kanna. „Tekið skal fram að þar er ekki um að ræða samskipti fyrrverandi aðstoðarmanns ráðherra og fyrrverandi lögreglustjóra á Suðurnesjum sem hafa verið til umfjöllunar í fjölmiðlum,“ segir í tilkynningunni. 

Af þessum sökum er ekki unnt að birta niðurstöðu athugunarinnar í þessari viku en þess er vænst að athugun á ábendingunni ljúki á næstu dögum. Umboðsmaður vonast til að unnt verði að birta niðurstöðuna í næstu viku.

Tengdar fréttir

Lekamálið

Óformleg samskipti skráð

• Ákvað að hleypa gleði inn í lífið
• „Hefði aldrei getað gert þetta neitt öðruvísi“
• Lauk með afsögn og áliti umboðsmanns
• Hanna Birna með góðkynja æxli

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Umboðsmaður lekur en engin rannsókn