Bjarni Benediktsson, formaður Sjálfstæðisflokksins, segir koma til greina að Hanna Birna Kristjánsdóttir verði ráðherra á ný síðar á kjörtímabilinu. „Það kemur allt til greina í pólitík. Það er eitt sem er alveg öruggt að það kemur allt til greina í þeim efnum,“ segir Bjarni.

Hanna Birna óskaði í gær eftir því að hætta sem innanríkisráðherra. Hún fer í frí til áramóta en tekur þá aftur til starfa sem þingmaður. Hún baðst undan viðtölum en sagðist í yfirlýsingu hlakka til að geta sinnt embætti varaformanns flokks síns.

Bjarni segir stöðu Hönnu Birnu sem varaformanns „óbreytta“. „Ef eitthvað er hefur hún meira svigrúm til þess nú að sinna flokksstarfinu.“

Í umfjöllun um afsögnina í Morgunblaðinu í dag segir Sigmundur Davíð Gunnlaugsson forsætisráðherra eftirsjá að Hönnu Birnu sem ráðherra. Hann geti vel séð fyrir sér að hún verði ráðherra á ný á kjörtímabilinu.

Tengdar fréttir

Lekamálið

Óformleg samskipti skráð

• Ákvað að hleypa gleði inn í lífið
• „Hefði aldrei getað gert þetta neitt öðruvísi“
• Lauk með afsögn og áliti umboðsmanns
• Hanna Birna með góðkynja æxli

» Fleiri tengdar fréttir