Veður fer mjög versnandi nánast í öllum landshlutum og vegir eru víða að verða ófærir. Fólk er eindregið beðið að vera ekki á ferðinni að sögn Vegagerðarinnar.

Lögreglan á Norðurlandi eystra vekur jafnframt athygli á því að veginum yfir Öxnadalsheiði hafi verið lokað vegna veðurs og ófærðar. Þar eru nokkrir bílar þegar fastir á heiðinni.

Björgunarsveitir verið kallaðar til úr Eyjafirði og Skagafirði til að koma þessu fólki sem fast er á heiðinni til aðstoðar, að því er segir í tilkynningu frá lögreglu.

Hún hvetur þá sem hyggist leggja land undir fót að athuga vel með færð og veður áður en lagt er af stað. 

Tengdar fréttir

Óveður í desember 2015

20-25 bótaskyld tjón á Austurlandi

• Þak fauk af húsi á Egilsstöðum
• Norðaustan og ófærð í kortunum
• Stormviðvörun frá Veðurstofunni
• Vilja nýjan varnargarð í forgang

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Myndin er úr Öxnadal, ekki af Öxnadalsheiði.