Viðbrögð við því að breytingartillaga minnihluta fjárlaganefndar á fjárlögum um að aldraðir og öryrkjar fengju afturvirkar kjarbætar var felld í atkvæðagreiðslu á Alþingi í fyrradag hafa verið sterk og talsmenn hópanna segja það svíða á meðan ráðherrar alþingismenn hafi samþykkt afturvirkar kjarabætur fyrir sig frá marsmánuði.

Stjórnarliðar hafa bent á að sögulega hafi kjarabætur hópanna sjaldan verið meiri en á þessu kjörtímabili. Þær Ellen Calmon, formaður Öryrkjabandalags Íslands og Þórunn Sveinbjörnsdóttir, formaður Félags eldri borgara í Reykjavík og nágrenni, segja að prósentutölur hafi lítið að segja þegar verið sé að tala um lágar upphæðir.   

Ellen segir kjör örorkulífeyrisþega færast úr 172 þús. krónum á mánuði í 184 þús. krónur á mánuði um áramótin. „Og það veit það hver heilvita maður að það er ekki hægt að lifa á 184 þúsund krónum á Íslandi í dag,“ segir Ellen.

mbl.is ræddi við Ellen og Þórunni.

Minnihluti fjárlaganefndar lagði til að ríflega 5,3 milljörðum yrði varið í að elli- og örorkulífeyrir hækkaði afturvirkt líkt og lægstu laun á samningstíma kjarasamninga. 

Tengdar fréttir

Fjárlög 2016

770 milljónir vegna hælisleitenda

• 146 milljónir vegna hafsbotnsrannsókna
• Kostnaður við kosningar 488 milljónir
• Ný heimasíða og starfsmaður á Bessastaði
• Snakkmálið í Hæstarétti í febrúar

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: "Er ekki hægt að lyfta þessu upp á örlítið hærra …