Gert er ráð fyrir að kostnaður vegna kosninga verði 320 milljónir króna samkvæmt fjáraukalagafrumvarpi sem kynnt var á Alþingi í gær. Færist kostnaðurinn frá næsta ári á þetta ár vegna ákvörðunar um að flýta kosningum.

Þá er í fjáraukalögunum gert ráð fyrir 121 milljón króna í biðlaun og annars þingfararkostnaðar vegna fráfarandi þingmanna sem er reiknað með að falli til eftir fyrirhugaðar alþingiskosningar í október.

Áætlun um útgjöld miðast við hliðstæðan kostnað eftir kosningarnar 2013, þó tekið sé tillit til að fleiri þingmenn gætu dottið út af þingi í þetta skiptið. Gert er ráð fyrir að allt að helmingur biðlaunanna komi þó ekki til útborgunar fyrr en á árinu 2017.

Að lokum er gert ráð fyrir að 47 milljónir fari í ýmiss útgjöld sem falli til í framhaldi af kosningunum. Er um að ræða kostnað vegna kaupa á tækjum og búnaði fyrir nýja alþingismenn, standsetningu á húsnæði, flutningskostnað og útgáfu á kynningarefni fyrir nýja þingmenn.

Heildargjöld sem falla því til vegna kosninganna samkvæmt áætlun í fjáraukalögum nema því um 488 milljónum.

Tengdar fréttir

Fjárlög 2016

770 milljónir vegna hælisleitenda

• 146 milljónir vegna hafsbotnsrannsókna
• Ný heimasíða og starfsmaður á Bessastaði
• Snakkmálið í Hæstarétti í febrúar
• Breytt fjárlög samþykkt

» Fleiri tengdar fréttir

• Blogga um frétt