„Við vorum bara að borða pylsur í hádegishlénu þegar Bryndís vinkona mín sér hvað er að gerast,“ sagði Tinna Marín Sigurðardóttir sem varð næstum því undir timburstafla við pylsuvagn Bæjarins bestu rétt fyrir hádegi í dag. 

Frétt mbl.is: Krani féll á ný­bygg­ingu í Hafn­ar­stræti

Eng­inn slasaðist þegar kran­inn féll en hann ligg­ur nú á húsþökum tveggja ný­bygg­inga og hefur svæðið verið girt af. Tinna lýsir atburðarrásinni þannig að hún hefði lent undir timbrinu sem féll ef hún hefði ekki náð að hlaupa frá borðinu í tæka tíð. 

„Ég sat á bekknum hjá Bæjarins bestu. Við heyrðum mikil læti þegar spýturnar byrja að hrynja úr krananum og Bryndís öskraði á mig og sagði mér að hlaupa. Um leið og ég hljóp frá borðinu hvolfast það vegna þess að spýta lenti á því og síðan finn ég fyrir krananum falla rétt hjá mér.“

Þær vinkonur voru skelfingu lostnar í kjölfar atburðarins og fengu að ná áttum á nálægum veitingastað. 

„Við vorum í algjöru sjokki. Kona á veitingastaðnum Hornið bauð okkur að koma inn og fá vatn og síðan kom lögreglan og sjúkrabílar.“ 

Tengdar fréttir

Krani hrundi í Hafnarstræti

Áslaug flaug á raflínu og drapst

• Hafa beðið eftir skýrslu lögreglu
• Leyfum rannsakendum að klára málið
• Átt við öryggisbúnað kranans
• „Með ólíkindum að enginn hafi slasast“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Misheppnað hryðjuverk Kolbeins Kolbeinssonar