Funda í fjármálaráðuneytinu klukkan 11
Setja bókamerki
Bjarni Benediktsson, formaður Sjálfstæðisflokksins, Benedikt Jóhannesson, formaður Viðreisnar og Óttarr Proppé, formaður Bjartrar framtíðar, munu hittast klukkan 11 í fjármálaráðuneytinu til að hefja vinnu við gerð stjórnarsáttmála ríkisstjórnar.
Formenn flokkanna þriggja ákváðu í gær að hefja formlegar stjórnarmyndunarviðræður í dag en í samtali við mbl.is sagðist Bjarni vera bjartsýnn á að það tækist vel.
Frétt mbl.is: Evrópumálin líklega til þingsins
Fram kom í Morgunblaðinu í vikunni að stærsta ágreiningsefni flokkanna væri möguleg þjóðaratkvæðagreiðsla vegna aðildarumsóknar að Evrópusambandinu. Samkvæmt heimildum blaðsins kom það skýrt fram í máli Bjarna, þegar hann ræddi við þá Benedikt og Óttarr, að Sjálfstæðisflokkurinn myndi ekki skuldbinda sig fyrirfram til nokkurs hlutar í þeim efnum.
Í umfjöllun um stjórnarmyndunarviðræðurnar í Morgunblaðinu í dag kemur fram, að ekki gæti mikillar bjartsýni um að þessi tilraun takist, samkvæmt samtölum við þingmenn og stuðningsmenn flokkanna, en þó virðast margir telja hana þess virði.
Myndir: Grindavíkurvegur aftur undir hraun
Mjög alvarlegt ef Njarðvíkuræð gefur sig
Maskína: Framsókn í fallbaráttu
Spara stórfé með olíukaupum ytra
Sáu eldgosið brjótast út frá Snæfellsnesi
Ástæða til að ætla að eldgosahrinu fari að ljúka
Hraunið við bílastæði Bláa lónsins
Litlar líkur á að hraunið nái til mannvirkja