Verður Óttarr heilbrigðisráðherra?
Setja bókamerki
Óttarr Proppé, formaður Bjartrar framtíðar, verður heilbrigðisráðherra í fyrirhugaðri ríkisstjórn Sjálfstæðisflokksins, Viðreisnar og Bjartrar framtíðar. Þetta er fullyrt í frétt Bloomberg-fréttaveitunnar. Vísað er í tvo ónafngreinda heimildarmenn fréttaveitunnar í því sambandi sem þekki til stjórnarmyndunarviðræðna flokkanna.
Fram hefur komið áður að Bjarni Benediktsson, formaður Sjálfstæðisflokksins, verði forsætisráðherra ef af ríkisstjórnarsamstarfi flokkanna verður. Einnig hefur verið rætt um að Benedikt Jóhannesson, formaður Viðreisnar, verði fjármála- og efnahagsráðherra. Þetta kemur einnig fram í frétt Bloomberg.
Þá hefur komið fram að Guðlaugur Þór Þórðarson, þingmaður Sjálfstæðisflokksins, kunni að verða utanríkisráðherra. Það hefur hins vegar ekki verið staðfest.
Bjarni sagði eftir þingflokksfund sjálfstæðismanna í gær að ekki lægi endanlega fyrir hverjir yrðu ráðherrar fyrir Sjálfstæðisflokkinn en hann hyggst funda um það með hverjum og einum þingmanni flokksins í dag og á morgun.
„Við verðum að vinda ofan af þessu“
Ólína: „Þeir eru oft aulalegir í málflutningi“
Einn játað sök í stóra fíkniefnamálinu
Gerbreytt staða hælisleitarmála
Vill færa út mörkin
„Vandamálið er ekki fólkið hérna inni“
„Bryndís Klara er dóttir mín“
