Loftslagsmál verða sett á oddinn að sögn Bjartar Ólafsdóttur, þingkonu Bjartrar framtíðar sem verður umhverfisráðherra í ríkisstjórn Sjálfstæðisflokkins, Viðreisnar og Bjartrar framtíðar. 

Frétt mbl.is: Ótt­arr og Björt verða ráðherr­ar

„Helstu áskoranir eru þær að verkefnin eru mjög víðfeðm. Loftslagsmálin teygja sig inn í önnur ráðuneyti og það verður ákveðin list að draga aðra með sér í þau. Fólk er sammála um að huga vel að umhverfismálum og það verður gaman að takast á við verkefnin í samvinnu við það góða fólk sem á þarna sæti,“ sagði Björt í samtali við mbl.is eftir tilkynninguna. 

Hún sagði að mikilvægt skref til að takast á við loftslagsvandann væri að fylgja eftir orkuskiptum í samgöngum, bæði á landi og sjó. Spurð um olíuleitina á Drekasvæðinu sagði Björt að stefna Bjartrar framtíðar sé að hefja ekki vinnslu. 

„Núna eru einhver fyrirtæki sem eru í tilraunaborunum og fengu leyfi íslenskra stjórnvalda til þess. Það er stefna okkar í Bjartri framtíð að vera ekki í vinnslu á drekasvæðinu. Eins og þetta er að æxlast eru fleiri og fleiri fyrirtæki sem hafa fengið rannsóknarleyfi að skila inn leyfunum og það verður forvitnilegt að sjá hvernig þetta þróast.“

Björt Ólafsdóttir og Óttarr Proppé að loknum fundinum í kvöld. mbl.is/Styrmir

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Vonandi hætt að draga lappirnar.