Ellefu ráðherrar verða í ríkisstjórn Bjarna Benediktssonar sem tekur við völdum í dag. Í ráðherrahópnum eru sjö einstaklingar sem ekki hafa gegnt ráðherraembætti áður og þrír þeirra eru nýir á þingi.

Aðeins tveir ráðherranna sitja í fráfarandi ríkisstjórn. Kynjaskiptingin er þannig að sjö ráðherranna eru karlar og fjórir konur, að því er fram kemur í umfjöllun um myndun nýrrar ríkisstjórnar í Morgunblaðinu í dag, en hún tekur til starfa á fundi ríkisráðs á Bessastöðum klukkan 13:30 í dag.

Þingflokkar Sjálfstæðisflokks, Viðreisnar og Bjartrar framtíðar samþykktu í gærkvöldi tillögur formanna flokkanna um ráðherraskipan. „Þetta var erfitt val og ég þurfti að líta til margra sjónarmiða,“ sagði Bjarni Benediktsson, eftir að tillaga hans um ráðherra hafði verið samþykkt í þingflokki sjálfstæðismanna.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir