Þórólfur Guðnason sóttvarnalæknir fundar í dag símleiðis með Degi B. Eggertssyni borgarstjóra til að ræða við hann hugmyndir hans um að fjölga göngugöturýmum í borginni í sumar.

Hugmyndir Dags snúa að því að losa um regluverkið fyrir rekstraraðila til þess að geta nýtt ekki aðeins gangstéttir, heldur hugsanlega einnig götur, til að búa til meira pláss fyrir gesti til dæmis veitingastaða.

Þórólfur sagði á upplýsingafundi almannavarna í dag að sín vegna væri það alfarið í höndum fyrirtækja og aðila að útfæra sín viðbrögð við þeim samkomutakmörkunum sem þegar eru í gildi. Hann ræðir það við borgarstjóra á eftir hvað gæti falist í útvíkkaðri heimild rekstraraðila til að nota autt pláss á götum í sína þágu og viðskiptavina sinna.

Dagur hefur sagt að borgaryfirvöld komi ekki til með að ákveða að loka götum án samráðs við rekstraraðila á svæðinu. Eyþór Arnalds, oddviti borgarstjórnarflokks Sjálfstæðisflokksins, hefur vegna þessara áforma sagt við mbl.is að fólk sé betur varið fyrir veirunni inni í einkabílum og lýst yfir efasemdum um að fleiri göngugötur séu sú lausn sem íbúarnir kalli eftir. 

Víðir Reynisson yfirlögregluþjónn sagði á upplýsingafundinum að hugsunin á bakvið sóttvarnaráðstafanir yfirvalda sé einfaldlega sú að takmarka náin samskipti. Finni fólk hugmyndaríkar leiðir til að halda áfram sinni starfsemi innan þess ramma, sé hann, Víðir, ævinlega fylgjandi því sem gerir fólki kleift að njóta lífsins betur. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Gunnlaugur I.: Borgarstjórinn er bíræfinn að notfæra sér ástandið til að loka …