Framlengja gæsluvarðhald yfir sex manns
Setja bókamerki
Þrír karlar og þrjár konur voru í dag í Héraðsdómi Reykjavíkur úrskurðuð í áframhaldandi tveggja vikna gæsluvarðhald í tengslum við aðgerðir lögreglu í síðustu viku.
Fólkið var handtekið í kjölfar umfangsmikilla aðgerða á höfuðborgarsvæðinu og víðar en tilefni aðgerðanna var rökstuddur grunur um mansal, peningaþvætti, brot á atvinnuréttindum útlendinga og skipulagða brotastarfsemi.
Átta voru handtekin í tengslum við málið en aðeins sex úrskurðuð í gæsluvarðhald. Aðgerðir snéru að gistiheimilinu Kastali guesthouse, veitingastöðum Pho Vietnam, Vietnam restaurant og Wok On. Davíð Viðarsson, eigandi fyrirtækjanna er á meðal þeirra sem eru með stöðu sakbornings í málinu.
Samkvæmt tilkynningu lögreglunnar á höfuðborgarsvæðinu hefur gæsluvarðhald verið framlengt til 26. mars á grundvelli rannsóknarhagsmuna að kröfu þeirra.
Segir einnig í tilkynningunni að rannsókn málsins miði ágætlega.
„Þetta þarf að fara að gerast“
Skuldahalinn lengist í Reykjavík
Hvernig er vitað að þessi kona átti þetta barn?
„Miklar líkur á rýmingu á næstu sólarhringum“
„Gleymum því ekki að okkar vali fylgir ábyrgð“
Eldgosinu er lokið
Næsta eldgos fær mikið forskot
