Segja upp leigusamningum við félag Davíðs
Setja bókamerki
Fjelagið eignarhaldsfélag ehf. hefur sagt upp samningum sínum við Vietnamese Cuisine ehf. sem er í eigu Davíðs Viðarssonar, sem er einn þeirra sem handteknir hafa verið vegna gruns um mansal, peningaþvætti og skipulagða brotastarfsemi.
Samkvæmt upplýsingum frá lögmanni Fjelagsins eignarhaldsfélags voru tvær eignir félagsins í útleigu hjá Vietnamese Cuisine ehf. Annað húsanna var að Vesturgötu 2 þar sem Kaffi Reykjavík var áður til húsa.
Til stóð að opna þar mathöll en samningi var rift þann 7. mars vegna vanefnda að því er fram kemur í máli lögmanns félagsins. Var það einungis tveimur dögum eftir að lögregla handtók sex einstaklinga af víetnömskum uppruna eftir umfangsmiklar lögregluaðgerðir.
„Eigandi eignarinnar að Vesturgötu 20 hefur nú þegar hafið vinnu við frekari þróun eignarinnar, meðal annars með samtölum við áhugasama aðila um rekstur í eigninni,“ segir lögmaðurinn.
Hafa sagt upp samningi á Tryggvagötu líka
Þá kemur einnig fram að Fjelagið ehf hafi sagt upp samningi sínum við Víetnam Cuisine ehf. vegna húsnæðis að Tryggvagötu 20. Þar hefur verið starfræktur veitingastaðurinn Pho Vietnam.
Pho Vietnam hefur verið með starfsemi á fimm stöðum í Reykjavík. Laugavegi 3, Laugavegi 101, Suðurlandsbraut 8, Skólavörðustíg 42 og Tryggvagötu 20.
Rampur númer 1.100 vígður í dag
Goslok hafa ekki áhrif á vinnuna
Kynnir nýja stefnu í málefnum landamæra í sumar
Mikilvægt að skoða af hverju þær velja þessa leið
Allar líkur á að Seðlabankinn lækki næst vexti
Kíghósti á töluverðri dreifingu í samfélaginu
Sleppt úr varðhaldi: Búið að klippa kanta á seðlum
Sundagöng betri en Sundabraut
