Beint: Málþing vegna 30 ára EES-afmælis

Málþing í tilefni af 30 ára afmæli EES-samningsins verður haldið á Grand Hótel Reykjavík klukkan 10 til 12.15 í dag.

Málþingið, sem ber yfirskriftina EES í 30 ár – ávinningur, tækifæri, áskoranir, er einn af þremur viðburðum í dag sem Rannís, utanríkisráðuneytið, háskóla-, iðnaðar- og nýsköpunarráðuneytið og sendinefnd ESB á Íslandi halda til að fagna samstarfinu.

Beint streymi frá málþinginu: 

Á málþinginu, sem fer fram á ensku, verður sjónum beint að þátttöku Íslands í innri markaði Evrópu og evrópskum samstarfsáætlunum og hvaða áskoranir og tækifæri framtíðin ber í skauti sér til umræðu..

Ávörp og erindi:

• Þórdís Kolbrún Reykfjörð Gylfadóttir, utanríkisráðherra
• Áslaug Arna Sigurbjörnsdóttir, háskóla-, iðnaðar- og nýsköpunarráðherra (myndbandsávarp)
• Iliana Ivanova, framkvæmdastjóri nýsköpunar, rannsóknar, menningar-, mennta- og æskulýðsmála í framkvæmdastjórn ESB (myndbandsávarp)
• Lucie Samcová-Hall Allen, sendiherra Evrópusambandsins á Íslandi
• Borgar Þór Einarsson, varaframkvæmdastjóri Uppbyggingarsjóðs EES
• Ágúst Hjörtur Ingþórsson, forstöðumaður Rannís

Að loknum erindum fara fram pallborðsumræður um EES-samstarfið og þátttöku Íslands í evrópskum samstarfsáætlunum.

• Blogga um frétt