Sjálfstæðisflokkurinn mælist með mest fylgi í nýrri skoðanakönnun Þjóðarpúls Gallup eða 26,2%. Píratar eru með 25,3% fylgi en það minnkar um tæplega þrjú prósentustig milli mánaða.

Í tilkynningu Gallup kemur fram að aðrar breytingar á fylgi flokka séu tólfræðilega ómarktækar.

Spurt var: Ef kosið yrði til Alþingis í dag, hvaða flokk myndir þú kjósa? En hvaða flokkur yrði líklegast fyrir valinu? Hvort er líklegra að þú kysir Sjálfstæðisflokkinn eða einhvern hinna flokkanna? Styður þú ríkisstjórnina? Könnunin var tekin dagana 30. júní til 26. júlí á netinu. Heildarúrtaksstærð var 5.734 og þátttökuhlutfall 54,0%.

16,8% segjast myndu kjósa Vinstri-græn, sem er tveimur prósentum meira en í síðasta mánuði.

Framsóknarlokkurinn er með 9,9%, Viðreisn 9,0%, Samfylkingin 8,0% og Björt framtíð 4,2% en tæplega 1% sagðist ætla að kjósa aðra flokka/framboð. 

Rúmlega 10% tóku ekki afstöðu eða neita að gefa hana upp og 7% svarenda segjast myndu skila auðu eða ekki kjósa ef kosið yrði til Alþingis í dag.

Stuðningur við ríkisstjórnina er nánast óbreyttur frá síðustu mælingu en rösklega 37% segjast styðja ríkisstjórnina.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Oddný passar vel upp á að halda fylgi Samfylkingarinnar niðri