Samfylkingin eygir sóknarfæri
Setja bókamerki
Tæp sjötíu prósent kjósenda telja að ekki komi til greina að kjósa Samfylkinguna ef marka má niðurstöður nýrrar skoðanakönnunar sem Gallup gerði fyrir flokkinn. Hins vegar telja 8,4% það koma sterklega til greina og rúm 22% að þau gætu kannski gert það.
Samfylkingin hefur verið að mælast með í kringum 8% fylgi í skoðanakönnunum undanfarna mánuði. Flokkurinn túlkar könnunina nú sem svo að mikil sóknarfæri séu fyrir flokkinn samkvæmt umfjöllun um hana á vefsíðu hans.
Þar segir að þrátt fyrir fylgismælingar undangenginna mánaða séu fjölmargir tilbúnir að skoða þann möguleika að kjósa Samfylkinguna. Samtals telji yfir 30% að það komi til greina. „Það sýnir að sóknarfæri Samfylkingarinnar fyrir kosningar eru því fjölmörg.“
Skoðanakönnunin var gerð 26. júlí-8. ágúst. Úrtakið var 1.441 manns á öllu landinu og var svarhlutfallið 59,3%.
Hópur fólks reyndi að komast að eldgosinu
Reiðubúin að aflýsa verkföllum í fjórum leikskólum
Sjötti ferðamaðurinn er látinn
Dómur þyngdur um þrjú ár
„Höfum sloppið bærilega með skaða af þessu gosi“
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Þarf að koma til móts við ólíkar þarfir lækna