Fylgi Pírata og VG dregst saman
Setja bókamerki
Fylgi Pírata og Vinstri grænna dregst saman um tæp þrjú prósentustig, samkvæmt nýjum Þjóðarpúlsi Gallup. Fylgi Viðreisnar eykst um nærri tvö prósentustig. Sjálfstæðisflokkurinn er stærsti flokkur landsins með 25,5% fylgi.
RÚV greindi frá þessu, en könnunin var gerð 31. ágúst til 14. september.
Helsta breytingin frá síðasta Þjóðarpúlsi er að fylgi Pírata og VG minnkar. Píratar mælast með 23,1% en voru með 26% í síðustu könnun.
Fylgi VG mælist með 13,5% en í síðustu könnun var það 16%.
Sjálfstæðisflokkurinn mælist með 25,5% sem er örlítið minna en í síðustu könnun. Fylgi Viðreisnar eykst og er nú 12,2% sem er tæpum tveimur prósentustigum meira en síðast.
Fylgi Framsóknarflokksins mælist með 9,4%, Samfylkingin er með 8,8% og Björt framtíð með 2,9%. Aðrir flokkar og framboð fá samtals 4,6% fylgi. Það er aukning um tæp fjögur prósentustig.
„Erum í miðri hrinu“: Styttist í Eldvörp
Börn hafi engan rétt á leikskólakennslu
Líklega komin á seinni hluta hrinunnar í Svartsengi
Mjög alvarlegt ef Njarðvíkuræð gefur sig
Fullvissa ferðamenn um að hér sé öruggt
Virknin dregist saman um 600 metra
Maskína: Framsókn í fallbaráttu