Sigmundur og Sigurður tala ekki
Setja bókamerki
Hvorki Sigmundur Davíð Gunnlaugsson, formaður Framsóknarflokksins, né Sigurður Ingi Jóhannsson, forsætisráðherra og varaformaður flokksins, munu flytja ræður fyrir hönd framsóknarmanna í eldhúsdagsumræðum á Alþingi sem fram fara í kvöld.
Samkvæmt upplýsingum frá Framsóknarflokknum munu ræðumenn flokksins verða Lilja Dögg Alfreðsdóttir utanríkisráðherra, Eygló Harðardóttir, félags- og húsnæðismálaráðherra, og Karl Garðarsson alþingismaður.
Deilur hafa geisað innan Framsóknarflokksins um forystu flokksins og munu þeir Sigmundur Davíð og Sigurður Ingi takast á um formennskuna innan hans á flokksþingi um næstu helgi.
Ræðumenn annarra stjórnmálaflokka verða eftirfarandi:
Sjálfstæðisflokkurinn: Bjarni Benediktsson fjármálaráðherra, Ólöf Nordal innanríkisráðherra og Haraldur Benediktsson.
Píratar: Birgitta Jónsdóttir, Ásta Guðrún Helgadóttir og Helgi Hrafn Gunnarsson.
Vinstrihreyfingin - grænt framboð: Katrín Jakobsdóttir, Svandís Svavarsdóttir og Bjarkey Olsen Gunnarsdóttir.
Samfylkingin: Oddný G. Harðardóttir, Sigríður Ingibjörg Ingadóttir og Árni Páll Árnason.
Björt Framtíð: Óttarr Proppé, Björt Ólafsdóttir og Páll Valur Björnsson.
Hótar Bretum og Bandaríkjamönnum
Hraunið náð Njarðvíkuræð: Fylgjast með raflínu
Líklega komin á seinni hluta hrinunnar í Svartsengi
„Má segja að þetta gos hafi þjófstartað“
Börn hafi engan rétt á leikskólakennslu
Litlar líkur á að hraunið nái til mannvirkja