Klæðnaðurinn verður bjartari með deginum
Setja bókamerki
„Ég er bara mjög bjartsýnn og finnst líklegt að það verði jákvæðar breytingar framundan,“ segir Óttarr Proppé, formaður Bjartrar framtíðar. Óttarr kaus Bjarta framtíð í Ráðhúsi Reykjavíkur á ellefta tímanum í morgun.
Í dag ætlar Óttar kíkja á kosningaskrifstofu Bjartrar framtíðar á Bræðraborgarstíg í Reykjavík ásamt því að þvælast eitthvað suður með sjó og kíkja í viðtöl og sjónvarpsupptökur.
Ert þú búinn að ákveða hverju þú ætlar að klæðast í kvöld?
„Nei, ég er nú ekki alveg búin að ákveða það. Ég þurfti einmitt að útskýra það fyrir útvarpsmönnum í morgun að ég ætti mörg föt sem væru ekki grá og svört, þetta væri ekki alltaf sama dressið. Þannig að ég ákvað nú að fara allavega í grænar buxur í morgun, það er kannski búið að shame-a mann úr gulu í grænt. En það kæmi mér ekki á óvart að maður færi í bjartari liti eftir því sem líður á daginn svo maður týnist ekki í myrkrinu,“ segir Óttarr.
Eftir kosningarnar er Óttarr búinn að bóka sig á tvenna tónleika með hljómsveitinni Dr. Spock á tónlistarhátíðinni Iceland Airwaves sem fram fer næstu helgi. „Tónlistin er gott móteitur við of mörgum fundum og of miklu blaðri.“
Jóvin veldur usla: Mesti vindhraði í sögu landsins
Með þeim stærri sem hafa mælst
Allt landeldi í uppnámi
Vilja reka leikskólastjóra
Afleit aðstaða varðar þjóðaröryggi
Hafa fengið ábendingar um meinta barnaníðinga
Kallar eftir algjörri breytingu á heilbrigðiskerfinu