Guðlaug­ur Þór Þórðar­son, þingmaður Sjálf­stæðis­flokks­ins, seg­ir að þriggja flokka stjórn­ar­sam­starf sé ekki án for­dæma hér á landi. Einnig bend­ir hann á að sam­starf Sjálf­stæðis­flokks­ins og Bjartr­ar framtíðar hafi gengið vel á sveit­ar­stjórn­ar­sviðinu.

„Sam­starfið með Bjartri framtíð hef­ur gengið mjög vel í þeim sveit­ar­fé­lög­um sem við höf­um starfað með þeim í. Viðreisn er eðli máls­ins sam­kvæmt miklu meira spurn­ing­ar­merki,“ seg­ir Guðlaug­ur í sam­tali við mbl.is en hann bæt­ir við að það megi ekki gefa sér neina niður­stöðu fyr­ir fram:

„Það ligg­ur fyr­ir að val­mögu­leik­arn­ir eru fáir ef menn vilja mynda stjórn í land­inu og eng­inn full­kom­inn, frek­ar en fyrri dag­inn.“

Sjálf­stæðis­flokk­ur, Björt framtíð og Viðreisn eru með 32 þing­menn og hefðu því ein­ung­is eins manns meiri­hluta. Guðlaug­ur seg­ir að tveggja flokka stjórn­ar­sam­starf sé æski­legra en það sé ekki í boði núna.

„Stjórn­ar­sam­starf tek­ur alltaf á og það er betra að hafa tveggja flokka stjórn frek­ar en þriggja flokka en sá val­kost­ur er ekki uppi á borðum núna,“ seg­ir Guðlaug­ur en hann kveðst ekki vita hvert fram­haldið verður í dag.

Tengd­ar frétt­ir

Alþing­is­kosn­ing­ar 2016

Brutu lög með SMS-skila­boðum

• Skýrsl­an var til­bú­in fyr­ir kosn­ing­ar
• Lít­ill stuðning­ur við rík­is­stjórn­ina
• „Báknið byggt upp“
• Gaf frá sér for­mennsku í þrem­ur nefnd­um

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Geir Ágústs­son: Kosn­ing­ar í vor 2017?
• Jó­hann Elías­son: ÞAÐ ER AÐ SJÁLFSÖGÐU EKK­ERT NEMA VANDAMÁL AÐ FARA Í …